بقلم الشاعر هلال البنا.
قصاقيص
من 20 إلى 21 ياقلب ما تحزن
.........................................
عوزين نفرح زي زمان
وانقول جاي العام فرحان
وياريت يبقى سلام وأمان
حب وخير وفي حضن أذان.
من غير مامشي وف يوم عيدي
ماشي وشايل روحي في إيدي
ياللا يادنيا ردي وعيدي
فرحي الأول تاني وزيدي.
قصاقيص......
وزي ماكون ماشي على راسي
وزي ماتكون مكتومه أنفاسي
صاحي وفاهم كله وراسي
جي رغيفي من غير فاسي
أنا الماشي لوحدي كفيف
والعكاز مكسور وضعيف
ولا بيخطي في مره رصيف
ومخوفني من التخويف.
قصاقيص ...
وخفيف انت و خف الريش
روح وسيبني مهب الريح
شايف جسمي وفيه بقابيش
سيبك ياللا من التلميح
إبن المسلم و ابن مسيحي
لف وطوف وبراحتك سيح
شوف قسيس وشوف الشيخ
واتصور واكتب تواريخي.
قصاقيص....
واعي وساعي لرزقي باطير
معي تماثيل لأمير ووزير
ورق البردي وقله وزير
ونفرتيتي معاها ضمير.
قصاقيص....
أنا مسؤل عن ولدي صغير
وألف سؤال من غير تكرير
ليه المسجد ليه الدير
بيموت ناسهم في التفجير
و يكون ردي بدون تفكير
وفي يوم يابني هتبقى كبير
ليه في ناس بتقول تكفير
وليه إرهاب في جامع ودير.
قصاقيص ......
رايح يصلي ما بيصليش
وبيسوس مع شغل ابليس
وابليس عنده النيه خبيث
واضح فيها مابيخبيش
رايح فين يابو الخفافيش
شارب بنزين من أوتوبيس
واخد بنجو تمول وحشيش
والهروين مابيخليش.
قصاقيص
أنا التايه في المواريث
وميراث أمي من التحويش
وباعوه مني بسعر بخيث
وبقيت بعده ذليل ورخيص
واخد مني ولآ بيديش
ماصص دمي ولا يقليش
ولآ بيهمه أموت أو اعيش
و كله ضلال وشغل ابليس.
قصاقيص....
عوزين نفرح زي زمان
وانقول جاي العام فرحان
وياريت يبقى سلام وأمان
حب وخير وفي حضن أدان
قصاقيص.
نرجوا أن نكون اسعدناكم وتحياتي لكم جميعا وبصفة خاصة إلى الشاعر الكبير الاستاذ هلال البنا
تعليقات
إرسال تعليق
ملاحظة:
-لا تنشر تعليقات غير مرغوب فيها. ستتم إزالته فور مراجعتنا
- تجنب تضمين عناوين URL الخاصة بموقع الويب في تعليقاتك.