هلال البنا في
المداري
تحبالسعاده خليك ف العباده
مأموم ف الصلاه
متكونش الإمام
وخد قهوه ساده بلاش الزياده
وتنسى القياده
وما تقعد قدام
في يوم لو مسافر وخايف المخاطر
تروح عالقناطر
وتنسى الكلام
لو ليك ف الرياضه والكوره بزياده
خليك ف الإعاده
وريات الحكام
لو عندك إراده واتحب النكاده
خليك في البلاده
وبلاش النظام
لو ليك ف السياده و حضن الوساده
نام واحلم زياده
راح تصبح تمام
لو ليك في الولاده روح افتح عياده
مكتوب في الإعاده
علاج الزكام
لو ليك في الحاتكه روح هات الروشته
..............علب أو باكته
واحسبها بكام
خليك في الإفاده وكسر الإيراده
حميده وحماده
يمامه وحمام
لو عاوز سعاده خليك في العباده
تقول الشهاده
وتنوي الصيام
صلاتك زكاتك وحج المناسك
طوافك وسعيك في
حجر ومقام
زيارتك حبيبك سلامك يفيدك
ماتنساش نسيبك
في سبحه وحزام
وتسعد حفيدك بلعبه في إيدك
وتحضر في عيدك
حصان بلجام
خليك في العباده تنول السعاده
مأموم في الصلاه
ماتكونش الإمام
إحرامك تكبيره والسنه والسيره
طويله وقصيره
وختامها بسلام
يادنيا وحقيره محتاجه تصبيره
وخداني بتعميره
بصاها لقدام
واخد قهوه ساده وبلاش الزياده
وتنسى القياده
ماتمسك لجام
ماهو احنا الرياده وقياده وسياده
وإحنا الإراده
ومسك الختام
تحب العباده تنول السعاده
............تخش الصلاه
مأموم مش إمام
؛؛؛^^^؛؛؛^^^؛؛؛^^^؛؛؛
................ المداري
هلال البنا
تعليقات
إرسال تعليق
ملاحظة:
-لا تنشر تعليقات غير مرغوب فيها. ستتم إزالته فور مراجعتنا
- تجنب تضمين عناوين URL الخاصة بموقع الويب في تعليقاتك.