طبقات
بقلمي هلال البنا في
طبقات
.... ...... ..... .....
ناشف حطبه ومر ... يا ريق
والهوى نار والميه جليد
الدار ليه شبابيكها اسودت
و البيبان حديد في حديد
.... .... ..... ........
واحنا مين وريحين فين
والدنيادي الناس طبقات
طبقه عايشه ولهيش حاسه
وكل حياتهم في ملذات
طبقه عيشتم في المتاهات
وطبقه في وسط الطبقات
بقولوا عنها الطبقه الوسطى
وموجوده في كل المجالات
....... ...... .........
ناس في ملاهي وترفيهات
ولا بيحسوا بالنكبات
ده فرحان وده سهران
ولا مين عايش ولا مين مات
مش يديك ويقولك هات
وميحسش لو قلت ٱهات
والمساكين مش بني ٱدمين
والفقرا دول ناس حشرات
..... ..... ...... .......
وإللي تحت من الجوع مات
من غير عشا كام مره يبات
حاسد حاقد عالبهوات
يدعي عليهم في الصلوات
سعادت البيه باصص من فوق
وملوش دعوه بالمجاعات
ولا يعرفش الرحمن فوق
ولا عنده أي احتياجات
........ ........ .....
لكن أوسط الطبقات
بيصححوا كل الغلطات
شايفين وضع الطبقه الدنيا
ويجيبوا حل كل النكبات
... .... .... .... .... ....
عارفين مين الطبقه الوسطى
الأساتذه والعلماء
والوعاظ والفقهاء
والأدباء والشعراء
وأهل الفن والعقلاء
وحفاظ القرآن والسنه
والأقباط وأهل الذمه
واللي يجيبوا حق الضعفاء
..... ...... ........
بيشيلوا هم الأوطان
والسياسات والأديان
والمساكين والغلبان
والأفراح والأحزان
بيحاربوا ظلم الطغيان
ويضحوا بالروح والمال
من أجل كرامة الإنسان
ضد حرام وحب حلال
... ... ... ... ... ...
وإحنا مين ورايحين فين
إحنا بتوع تحت وقعدين
وانتو مين وريحين فين
إنتو فوق الناس عيشين
إنتوا مين. إنتوا البهوات
في الملاهي وملذات
والإتيكيت وترفيهات
والناس في الدنيادي طبقات
...... ...... ..... ......
ناشف حطبه ومر ياريق
والهوى نار والميه جليد
والدار ليه شبابيكها إسودت
والبيبان حديد في حديد.
تعليقات
إرسال تعليق
ملاحظة:
-لا تنشر تعليقات غير مرغوب فيها. ستتم إزالته فور مراجعتنا
- تجنب تضمين عناوين URL الخاصة بموقع الويب في تعليقاتك.