 |
| الشاعر هلال البنا |
بقلم هلال البنا.
في الٱوت
هجمه فرصه شوطه وراحت
فيه ناس عاشت زى مماتت
كل كلامهم بره وآوت
حتى بعد م روسهم شابت
إللا قليل.
منهم ناس عاقلين ف الغالب
أما الباقي عيارهم فالت
مش عارفين الحق م الباطل
ولا إيه كرنر ولا إيه ٱوت
إللا قليل.
رغم شهادته ولقب الدكتر
واقف متمسمر فى السنتر
والجمهور والحكم يصفر
عقله خلاص واخد كرت أحمر
إللا قليل.
شايف ناس أولادهم ماتت
والأموال اتصادرت راحت
والأعمال وبيوتهم ضاعت
وكل كلامه عكسي وساكت
إللا قليل.
إنت هطيله واهبل مش فاهم
وراح نص عمرك فى التعليم
عامل فيها إن انت العالم
وعشت حياتك برضه غشيم
إللا قليل.
هجمه وفرصه شوطه وضاعت
وكل كلامك بره وآوت
جنب العرضه يا قلوب مرضه
ولا إيه فول مدموس ولا نابت
إللا قليل.
تربيتك تعليمك هابط
وسنين عمرك راحت ضاعت
عدم الفهم. داخيبه و هم
وياما ناس نفس غبائك خابت
إللا قليل.
لابس بدله والكرفته
وانت بليد في حياتك ساقط
إللا قليل و الفاهم فلته
وبسيط بالجلبيه و فارق
إللا قليل.
ويا الحق له وقفه قويه
يمكن يبقى عنك فايق
ودي مش قعده ميه الميه
ضد الباطل ديما شاهد
إللا قليل.
وهو كلام يتقال ف الغالب
شوطة كوره طايشه وضاعت
وعامل أزمه من غير لازمه
جنب العارضه أو في الآوت
إللا قليل.
وهجمه فرصه شوطه وراحت
في ناس ماتت زي ما عاشت
وكل كلامهم بره وٱوت
حتى بعد ما روسهم شابت
في الٱوت
تعليقات
إرسال تعليق
ملاحظة:
-لا تنشر تعليقات غير مرغوب فيها. ستتم إزالته فور مراجعتنا
- تجنب تضمين عناوين URL الخاصة بموقع الويب في تعليقاتك.