بقلم هلال البنا في
نعوذ من شر ما خلق
والنفاثات في العقد.
بيقولوا نمسك الخشب.
م العين والسحر والحسد
من إيه خايف يابو نسب
والشبكه طلعت مش دهب
من فلصو والصايغ هرب
لابس عقال شيخ العرب
زعلان وقاعد مكتئب
خايف من شر ما خلق.
بيقولوا نمسك الخشب
من إيه خايف ليه الغضب
دالعفش خرده مش قصب
و الخيمه عرش من حطب
وانت يادوب واقف غصب
فين النسب فين الحسب
خايف م العين وم الحسد
والنفاثات في العقد
بيقولوا نمسك الخشب
على إيه الخوف بلاش عتب
دالمهر فضه مش ورق
وفي الموأخر فيه قلق
والقايمه لازم تنجرد
كرسي ومراتب والفوط
وسجاده حمرا والكنب
شاشه ورسيفر والطبق
خايف من شر ما خلق
والعين والسحر والحسد.
بيقولوا نمسك الخشب
على إيه الخوف ياعم رجب
وانت الكلام منك عجب
نويت تكون المحتسب
وتقول حرام أكل الرطب
وحلال عصير منقوع عنب
وميراث بنات زي الولد
خايف من العين والحسد
والنفاثات في العقد.
بيقولوا نمسك الخشب
على إيه الخوف من شغب
ليه جاي تعيد إللي انشطب
ممسوح كأنه مانكتب
في ناس كتير غاويين تعب
لابسين قناع وش النكد
لسه الكتاب مش انكتب
ولام الشهود واحد شهد
وعالكراسي ماحد قعد
بيقولوا نمسك الخشب
والشبكه فلصو مش دهب
والصايغ لسه في الهرب
لابد في ريح شيخ العرب
وجاتله خضه وانطرب
خايف من شر ما خلق
والعين والسحر والحسد
والنفاثات في العقد
..................................
نعوذ من شر ما خلق
والنفاثات في العقد.
تعليقات
إرسال تعليق
ملاحظة:
-لا تنشر تعليقات غير مرغوب فيها. ستتم إزالته فور مراجعتنا
- تجنب تضمين عناوين URL الخاصة بموقع الويب في تعليقاتك.