المحامي الكبير"فريد الديب" أول ما اشتغلت في المحاماة ، موكل عندي إتحبس ست شهور _ ملفات ساخنه

فريد الديب

✍️ العراقى صلاح.

يقول المحامي الكبير/ فريد بك الديب ....أول ما اشتغلت في المحاماة ، موكل عندي إتحبس ست شهور في أول درجة ، زعلت جدًا وفضلت أقول إزاي القاضي يحكم كدا ؟ وفضلت اليوم كله ممتنع عن الاكل من شدة الزعل !! 

لكن لما تفاجئت إنه بكل سهولة طلع براءة في الإستئناف؛ نظرتي للأمور اختلفت.

لذلك أحيانًا تلاقي متهم أخد سجن مؤبد ، اهله وقرايبه يفضلوا يصرخوا والمتهم نفسه بينهار ... إلا محاميه ... بتلاقيه بكل ثقة بيقولك ، أنتظر لما نشوف الأسباب اللي القاضي هيكتبها.

في أول لقاء لفريد الديب مع عمرو أديب بعد إحالة أوراق طلعت مصطفي للمفتي قبيل الحكم بإعدامه.. أديب سأل الديب: رأيك إيه في الحكم ؟

الديب رد بكل ثقة : نقدر نقول إننا في الشوط الأول من المباراة مُني مرمانا بهدف.

أديب رد بإستغراب : موكلك محكوم عليه بالإعدام ، وبتقولي مُني مرمانا بهدف ؟

فـ الديب رد : أيوه يا بيييه ، لسه قدامنا شوط تاني لسه.

وبالفعل ، تم نقض حكم الإعدام، والعجيب إن أسرة هشام طلعت لم تغير فريد الديب بعد حكم الإعدام ، صحيح أضافوا فريق دفاع آخر ، لكن الديب ظل على رأسهم.

طالما عملت توكيل لمحامي محل ثقة، ما تفضلش كل شوية تزن على دماغه ، سيبه يشتغل وهو عارف بيعمل إيه، وخليك مؤمن إن الحكم إلا لله ... لكن زي ما قولنا من قبل، محاميك سفيرك، فأحسن إختيار من يمثلك.