ملخص محاضرات الدكتوره نيڤين مكى بعنوان "السعادة ....قرار"لجنة الدعم النفسي بالمجلس الوطني للشباب

متابعة.العراقى صلاح.

بقلم /نيڤين مكى_مسئولة في لجنة الدعم النفسى بالمجلس الوطنى الشباب.

قامت الدكتوره نيڤين مكى بتلخيص محاضره بعنوان "السعادة ....قرار" مع شرح أنواع الهرمونات المسئولة عن تحديد سعادة  الإنسان هى ال...1- Endorphins.

2- Dopamine.

3- Serotonin.

4- Oxytocin.

خلينا نبدأ بالنوع الاول ل(Endrophins)

لما بنروح الچيم أو نعمل رياضة الجسم بيفرز الهرمون دا عشان يتغلب على الإحساس بالألم اللى بتسببه التمرينات💪».

والضحك بردو طريقة كويسة لإفراز الEndrophins

ف احنا محتاجين نقضى ع الأقل ٣٠دقيقة يوميا نعمل رياضية. @⁨Coach.Amr Bayoumi⁩أو نضحك😁»

ثانى نوع من  الهرمونات هو ال (Dopamine).

الشعور بإنجاز اى شىء ايجابى كفيل بإفراز هذا الهرمون بنسب متفاوتة🤜».

كمان لما بنلاقى تقدير مقابل اى حاجة إيجابية زى اللى عمله د. وائل النهاردة  @⁨المجلس⁩ أو اللى بتعمله دائما د. دليلة @⁨Dalila⁩ دا كفيل بإفراز الهرمون بجد🤗 .

ودا بيفسر ليه ستات بيوت كتير غير سعداء..😇 لأنهم  نادرا ما بيحصلو على التقدير والعرفان على تعبهم اليومى.

ثالث نوع من الهرمونات هو ال(Serotonin)

ودا بييجى لما تتصرف بشكل فيه نفع للآخرين "إدخال السرور على الناس" ..وطبعا مش هعمل منشن لان كل اعضاء المجلس بيعملوا دا باشكال مختلفة مش بس لجنة الدعم التفسى🙏».

النوع الرابع والاخير هووال (Oxytocin)

وهذا النوع بيتم إفرازه لما بنقرب من ناس بنحبهم  زى حضن من اهلنا واحبابنا..بس بلاش اليومين دول عشان الكورونا😁»«ما علينا😅.

 عشان كده المفروض نحضن طفل صغير مزاجه مش مظبوط عشان نزود عنده الهرمون دا ..ويقدر  يحس بسعادة من تانى..

من الآخر وبمنتهى البساطة..

ضرورى نعمل رياضة كل يوم عشان الإندروفينس..

نخفق إنجازات ولو صغيرة جدا عشان الدوبامين😍

نكون نافعين لغيرنا عشان نقدر ناخد حصتنا من السيرو تونين💐💐

ونحصن ولادنا واصحابها وأهلنا عشان ناخد كفايتنا من الاوكسيتوسين.🤗

*«محتاجين نعمل الحاجات البسيطة دى علشان نكون مبسوطين ولما نكون مبسوطين هنقدر نتعامل مع مشاكلنا وتحدياتنا بقوة اكبر »🌷🌷🌹🌹

ف السعادة مش شعور معقد ولا تكمن فى حدث عظيم أو صعب المنال..

السعادة ممكن تكون قدامنا حوالينا فى كل مكان..بس احنا ناخد القرار!!☘️☘️

ما تستناش السعادة تيجى لحد عندك..  إصنعها أنت..