متابعة المهندس عراقى صلاح.
كيفية حماية نفسك من العدوي ب فيروس كورونا 2020.
بقلم/محمد بن جدو.
هنتكلم كيفيةحماية نفسك منالعدوي ب "فيروس كورونا"2020 بتطهير الاسطح بالكلور ولكن بشروط.
طبعا عارفين طرق العدوي ب" فيروس كورونا"
اما بطريق مباشر ب العطس او الكحة،
اما بطريق غير مباشر وهو لمس الاسطح الملوثة برذاذ حد مصاب فلذلك يجب تطهير الاسطح جيدا.
لذلك في شوية معلومات مهمة عن الكلور لازم نعرفها لما نستخدم الكلور في تطهير الاسطح في البيت🏘️ او في الشغل🏨:
١- الكلور فعّال جدا في القضاء على معظم الميكروبات و مفيش منه مقاومة حصلت من الميكروبات لتأثيره المطهر.
٢-الكلور غير مستقر و عشان كده لازم نحضره قبل الاستخدام علي طول، و بيكون التحضير يومي لأنه مش بيقعد اكتر من ٢٤ ساعة.
٣-الكلور بيتفاعل مع الضوء (photosensetive) ، عشان كده بيجي في زجاجات معتمة، غير منفذة للضوء، و عشان كده لازم نحضره في بخاخات غير شفافة.
٤-الكلور بيتفاعل مع اي مواد تُضاف ليه، يعني لو اتضاف لمواد حمضية زي الفلاش هينتج عنه غاز الكلور السام ووده بيسبب اختناق، و لو اتضاف علي مواد قاعدية زي الصابون هيتلغي تأثيره المطهر.
٥-الكلور بيستخدم لوحده🧐 بدون اضافة اي مواد معاه.
٦-الكلور بيسبب تهيج للجلد و الاغشية المخاطية، عشان كده من الضروري لبس جوانتي عند تطهير الاسطح.
٧-الكلور بيتخفف بطريقة معينة هي كل لتر ماء نسحب منه ٢٠ سم ماء ونحط مكانهم ٢٠ سم كلور
٨-الكلور مادة متطايرة و من الضروري عدم تركه في اناء او حاوية مفتوحة و معرضه للجو، الكلور اصلا غاز و هيطير.
٨-الكلور يتحضر في بخاخة و نمسكها بايد و في الايد التانية قطعة قماشة من الافضل تكون مش وبرية و نظيفة طبعا و نكون لابسين جوانتي، و يتم استخدام البخاخة علي الاسطح المحتمل تلوثها و التطهير بالقماشة في اتجاه واحد. ودي مهمة جدا حتي لا نرجع بالميكروبات للسطح اللي تم تنظيفه
وفي نقطه مهمه لست البيت لما تمسح الارضيات لازم في اتجاه واحد وياريت الجردل يكون بفتحتين واحدة فيها مية بس والتانيه ميه بالكلور المخفف
من المهم غسل اليدين بعد عملية التطهير بالمياة و الصابون.
و الاسطح اللي من المهم تطهيرها هي الاسطح المشتركة في العمل و مقابض الابواب و اسطح المكاتب.
و من الضروري ان الاسطح تكون نظيفة و مش عليها تراب.
و دمتم سالمين
تعليقات
إرسال تعليق
ملاحظة:
-لا تنشر تعليقات غير مرغوب فيها. ستتم إزالته فور مراجعتنا
- تجنب تضمين عناوين URL الخاصة بموقع الويب في تعليقاتك.