حوار بيولوجي دار بين المخ وجميع أعضاء الجسم

 فنجان قهوة يتسبب في حوار بيولوجي

القهوة/المخ

المخ: 

ايه يا جدعان الصداع ده مفيش مسكنات ولا ايه

المعده: 

لا بلاش انا بتعب من المسكنات

المخ:

 يعنى مستقبلات الالم تبقى منوره عندى ومشتتانى عن الشغل عشان الهانم بتتعب من المسكنات !!!

الكلى: 

بص بصراحه المعده عندها حق

المخ:

 شوف الكلى الصرف الصحى كمان بقت تنصحنا

الكلى: 

طب خد مسكنات وانا هخش فى فشل كلوى وشوف بقى هتعمل ايه فى السموم ديه اللى انا بصرفهالكوا

الكبد: 

استهدى بالله يا كلى واغزى الشيطان ..انا كفايه عليا السموم اللى المعده بتبعتهالى ده بقى جسم يقصر العمر.

المخ: 

لا حرام يا جدعان انا شغال من الصبح وجبت أخرى

القلب: 

يعنى انت شغال من الصبح وتعبت انا شغال من ساعه ما بدأنا الجسم وعمرى ما اشتكيت.. متبقاش دراما كوين..منا ممكن اقف وشوفوا مين هيوصلكوا الاكل.

الطحال:

 مين مزعل القلب يا جدعان..مورنينج عليك يا قلبى

المخ:

ايه الهزار والسكر ده وانا تعبان هنا

البنكرياس: حد جاب سيره سكر؟

المخ:

بصوا واضح أن كله همه نفسه..انا هحاول افصل نفسى وأقفل العين عشان الجسم ينام ..معنديش حل تانى

الرئه:

 ما احنا لسه صاحيين من ساعه..ملحقناش ناخد نفسنا حرفيا.

المخ:

معلش بقى يا جدعان النهارده يوم اوف..اجازه النهاده..انا هفصل وهشغل لمبه اللاوعى عشان لو حد احتاج حاجه.

*الجسم بينام*الجلد: الجو حر يا جدعان..وانا سخنت..قومه يا مخ يشغل المروحه.المخ: متنام بقى هى نقصاك انت كمان...وبطل هرش شويه..مكنتش قرصه ناموسه يعنى..عايزه انام ربع ساعه بس..